1- الاسم:محمدعلاءالدين(بحريه)
2-العمر:20
3-الجنسيه:مصرى
4- الدوله المقيم بها:مصر
5-المدينه:القاهرة
6-الجنس:ذكر
7-التعليم:خلصت ثانوى وناقص سنه واخلص كليه
8-العمل:كنت اعمل حاليا(طالب)لاوظيفه
9-الطول:175
10-الوزن:انا موزنتش بقالى كتير بس ممكن نقول60كيلو
11-لون العيون:بنى قريب من العسلى
12-لون البشرة: مش ابيض اوى ومش اسمر اوى
13-لون الشعر:أسود
14-انا اكرة: انا مش من النوع اللى يكرة اوى حاجات زى الناس و كده فى ناس تكرة رقم 13 والقطه السوداءو كده بس فى حاجه كلنا بنكرها هى (النفاق)
15-انا احب
الله)
16-الشىء الذى يشعرنى بالخوف:هو قرب يوم القيامه(ان يوم القيامه قرب)
17-الشىء الذى يشعرنى بالأمان:هو حضن أمى واناها ترضى عنى
18-موقف اضحكنى: فى مواقف كتير اضحكتنى جدا بس مش متذكر اوى لما اتذكر موقف جامد هابقه اقوله
19-موقف أبكانى: وفاة عمى الاصغر من والدى مباشرة(مع ان الموت شىء هايعمر بيه كل الناس بس انا كنت قريب منه وبحب جدا)ووفاة شخص اخر راجل كبير بس كنت احبه اوى
20-شخصيه أثرت فى حياتى:والدى و الشاعر أحمد فؤاد نجم
21-حمتى المفضله:معنديش حكمه مفضله بس فى مقوله
بتقول (عصفور فى اليد خير من عشرة على الشجرة)ممكن دى اعتبرها حكمه كويسه
22-الموت:الموت علينا حق وهو عالم اخر لا تستطيع النزاع لتتراجع عنه
23-الحياة:الحياة حلوة بس اللى يتفيد بيها وكده كده الحياة زى الدنيا فانيه وهاتزول فى اى لحظه
24-التعاون:التعاون شىء جميل بس التعاون فى الخير شىء اجمل
25-الصداقه:الصداقه شىء رائع بس للى يعرف يصاحب بجد ولازم تعرف تختار اصدقائك اللى بجد اللى يستاهلوا الثقه ويستاهلوا يكونوا اصدقاء(المء على دين خليله)فلازم نختار اصدقاء كويسين علشان نكون كويسين وانا شايف ان الصدقاء اللى من غير مصالح قلت دلوقتى وزادت صداقه المصالح
26-الحب:الحب من اجمل الاشياء اولا حب الله وبعدين الحب بجد للى يعرف يقدر الحب ده ويحافظ عليه بجد(الحب لا يعرف المستحيل والحب ليس له مكان او زمان او سن مرتبط به الحب لاى شخص فى اىمكان )(الحب ممكن يجى فجأة كأنك كنت ماشى فى الشارع ولاقيت طوبه واتخبط فيها ووقعت على وشك فجأه الحب برده هايخليك تقع فجأة او صدفه)
27-الغيرة:اى شخص ممكن يغير والعادى انه يغير بس فى غيرة بتقتل وتدمر بيوت لكن احنا مش عايزين نوصل لدرجه ان اى شخص يغير على الشخص التانى لدرجه انه يدمر حياته ياريت ماحدش يوصل بالغيرة الى تدمير حياته
28-النفاق:شىء مش كويس اولا (ربنا مش بيحب المنافقين) تانى حاجه ماينفعش اى شخص يعيش منافق لانه كده هايعيش باكتر من وش وممكن ناس كتير ماتفهموش وممكن النفاق يوصل الى المشاكل
29-الصدق:من اعظم الاشياء فى الدنيا هو الصدق الصدق يخليك واضح قدام الناس ومن كتر الصدق ما يحصلش مشاكل وتاخد حسنات حسانتك عند ربك تزيد
30-الكذب:من أسواء الاشياء وكمان الكذب ممكن يدمر حياة اى شخص الكذب زى النفاق هايخلى اى شخص بيكذب يظهر باكتر من وش والكذب مش هايديق حسنات لا هايخدها منك ويزود السيئات عليك
31-الخيانه:الخيانه شىء صعب والاصعب انها تكون من حد قريب منك (حبيب او صاحب ليك او حد قريبك) واللى يخونك ممكن يغدر بيك فلازم الواحد يحذر من الناس اللى بتخونه عشان ما يحصلش مشاكل
32-المرأةكشىء جميل بس حسب نوع المرأة(مرأة تقف جمبك وتساعدك فى كل حاجه فى حياتك)(وفى واحده تكون استغلاليه عايزة هى كل حاجه فى صالحها وتستغل الموقف)(وفى ناس تبع اهلها)(وفى واحده مالهاش رائى زى ما اى حد يقول تمشى) بس المرأة هى امى وامك لازم نصونها وبرده ونحرص من المرأة عشان المرأة ممكن تكون بأكتر من وش واكتر من طريقه
33-الطفل:لسه صغير لازم نعامل الطفل على قد سنه بس مش كل ولد يتقال عليه طفل الطفل نعمه يرزقنا بيها ربنا لما نخلف بس نحافظ على الطفل ونعمله الاشياء الكويسه علشان يطلع راجل كويس وصالح
34-الرجل:الرجل انسان ناضج اكيد كان طفل وفى حاجات اهله علموهاله فياريت يعلموه كل شىء كويس الرجل يعرف ياخد قرارة بنفسه مايكنش راجل سلبى تحت امر اى حد وفى رجاله انواع زى الستات الغدار والكويس والوحش والصالح بس الراجل راجل والست ست
35-الاشجار الذى احبها:انا مش عارف اسامى شجر وكل الاشجار احبها الشجر جميل خضرة وبهجه ولون حلو
36-الورود اللى احبها:الفل والياسمين وعصفور الجنه دول اكتر حاجاه احبها واكيد البلدى بره
37-اللى بحبه :بحب الصحراء لانها مكان خالى تكون لوحدك بدون ى حد وتقدر تعمل فى اكبر مساحه اللى انت عايزة معسكرات او تزرع الصحراء--- الجبال:برده احبها عشان فيها نوع من المغامرة انك تروح تتسلق وتطلع جبل ده شىء جميل وفى نوع من المغامرة---- البحار:البحر ده عالم تانى جميل جدا الميه الزرقا والسما فوقيك وانت فى مكان واسع والسمك حوليك وتتعلم الصبر والميه حياة وابحر برده حياة عالم اخر غير الدنيا هو عالم البحار وتكتشف حاجات اكتر والبحر بيخلى الذهن صافى وبالك رايق جدا وعندك هدوء كبير
38-انا اخاف من :الليل:اخاف لحسن لو نمت مرة بليل ما اصحاش واموت مع ان ده واجب علينا بس ده بيخوفنى بليل ---النهار :اخاف من النهار برده علشان نفس السبب ممكن حد يموت بالنهار - بس النهار اكتر ممكن اى حد يموت بس الاهمال النهار فيه اهمال كتير فى كل المجالات (كل حاجه ليه خوف بطريقتها)
39-احب:الغروب اكتر عشان المنظر رائع وبحس انى اهدا واذهن بيصفى الغروب زى البحر يحسسك بالهدوء وانك رايق-----الشروق ده بدايه اليوم لازم تقرب فيه لربنا الشروق يعنى بدايه حياة جديده عشان كده بحبه هو كمان
40-المرة الاخيرة اللى شفت فيها القمر:هى مش من وقت قريب يعنى انا ما شفتش القمر من وقت قريب ومش من وقت كبير اوى هى مثلا فترة من الكام اسبوع اللى فاتوا
41-انا احب:القطط والسمك والفيل والحصان
42-افضل الالوان لدى:احب الاخضر والازرق والبمبى والدهبى(كل الالوان كويسه بس دول اكتر حاجه)
43-السؤال الذى لا افضل حد يسألهونى:طبعا هو سؤالمهم بس انا مش عايز حد يسألهونى علشان لو جوبت هاطلع غلطان هو(انت ايه علاقتك مع ربنا او انت ايه قربك مع ربنا)ماحبش حد يسألهونى لانه ممكن يسمع جواب ويزعل يعنى انا ممكن اقول انا مش بصلى اوى سعات بقطع كنت بعمل حاجات غلط وكده فاهايزعل انى ملخبط فعلاقتى بربنا
44-السؤال اللى احب يتسألى
ايه اكتر حاجه انا عايزها فى حياتى) هارد واقول اولا عايز امى ترضا عليا -- ثانيا عايز ربنا يغفرلى ويسامحنى ويستر عليا على اى ذنب او خطأ عملته فى حياتى
تاريخ ميلادى:2/9/1988
تاريخ مهم ليا عيد ميلاد امى وعيد الام وعيد ميلاد ابويا